Unsen Krink

Leve Plattdütschfrünnen!

DE PLATTDÜTSCHE KRINK BRUNSBÜTTEL meent, dat dat nicht reckt, unse Kultur to schützen un unse Denkmäler to plegen, sondern wi mööt ok unse Spraaken plegen un schützen, un dorto höört bi uns in Norden de plattdütsche Spraak. All Goethe hett seggt: »Jede Provinz liebt ihren Dialekt, denn er ist doch eigentlich das Element, in welchem die Seele ihren Atem schöpft.«

Alltohoop wüllt wi:

·   mit Hölp vun plattdütsche Speele, Leeder un Böker dat Niederdütsche an de nächste Generation wiedergeven un somit

·   dat Plattdütsche in de Kinnergaarns, Schoolen un Familien beleben, ünnerstütten un plegen;

·   över den Nutzen vun twee Mutterspraaken opklären: Hoch- un Plattdütsch;

·   Heimatbewusstsien mittels een Heimatspraak wecken un fördern;

·   den hogen kulturellen un geschichtlichen Wert vun de plattdütsche Spraak bewusst maken;

·   dat Niederdütsche as Minderheitenspraak vun’t Utstarven bewahren.

Elkeen Jahr stellt wi folgende Veranstaltungen op de Been:

·   Galerie-Talk op Platt,

·   Platt - för jeden wat,

·   Kinnerdag op Platt,

·   Kohleten mit Schrieververtellen to de Kohldaag,

·   Goddesdeenst op Platt to’n Aarndank.

Wi drept uns jümmers den ersten Mittwoch in de Maand abends Klock acht in de Strandhalle in Brunsbüttel op’n Diek. Jedeen, de uns hölpen much, wat för de plattdütsche Spraak to oon, is hartli willkamen.

Den Krink gifft dat siet März 2000. In de vergangen Jahren hebbt sik bilütten 71 Lidmaaten, junge un ole Lüüd, den Krink ansloten. In Vorstand sitt:

 Jürgen Franck , Ursula Nickels, Uwe Schmidt, Hans-Adolf Niehuus, Monika Blauert, Hans-Jörgen Friedrichsen, Rosi Speck

Foto: Mit fründliche Genehmigung, vun Sabine Kolz